ग्रामपंचायत सुभाष नगर, तालुका देवळा ही स्थानिक स्वराज्य संस्थेच्या माध्यमातून ग्रामविकासासाठी कार्यरत असलेली एक महत्त्वाची संस्था आहे. ग्रामस्थांच्या सर्वांगीण विकासासाठी शासनाच्या विविध योजना व उपक्रम गावात राबविणे, पायाभूत सुविधा उपलब्ध करून देणे तसेच सामाजिक, शैक्षणिक, आरोग्य आणि सांस्कृतिक प्रगती साधणे हे आमचे ध्येय आहे.

ग्रामपंचायतीतून गावातील नागरिकांच्या मूलभूत गरजा पूर्ण करण्यासोबतच पारदर्शक व लोकाभिमुख शासन देण्याचा प्रयत्न सतत केला जातो. स्वच्छता, पाणीपुरवठा, रस्ते विकास, महिलांसाठी व बालकांसाठी कल्याणकारी योजना, कृषी व उद्योग क्षेत्राला पूरक सुविधा अशा विविध कामांद्वारे ग्रामपंचायत गावाचा सर्वांगीण विकास साधण्यासाठी कटिबद्ध आहे.

आम्ही “सर्वांचा सहभाग, सर्वांचा विकास” या तत्त्वावर विश्वास ठेवून ग्रामपंचायत सुभाष नगराला आदर्श व प्रगतशील ग्रामपंचायत बनविण्यासाठी कार्यरत आहोत.